قصائد عمرو حسن عن الفراق عديدة ومُختلفة، حيث إنه من أشهر الشعراء الذين ظهروا على الساحة الفنية خلال الآونة الأخيرة، ولاقى إعجاب كبير من قِبل فئة جيله والفئات العُمرية المُختلفة، وذلك بسبب التفاعل الكبير معه عبر مواقع التواصل الاجتماعي.
قصائد عمرو حسن عن الفراق
بدأ مشواره الفني على مواقع التواصل الاجتماعي، وهذا ما ساعده في الانتشار الكبير بين الفئات العُمرية المُختلفة، وأصبح محط اهتمام العديد، حيث تتميز أشعاره أنها نابعة من المواقف الحياتية الحقيقية، ومن أشهر قصائد عمرو حسن عن الفراق هي قصيدة جوابي الأخير.
1- جوابي ده الأخير ليكي
يامعاليكي
ياست الحسن
ياسبب الحزن والعلة
ياشجرة حسبتها ضله وطلعت نار
بداية القول: مساء الخير علي الأزهار على خدودك
مابنجرّحش
ومابنسمحش حد يقول كلام عنك
لذلك ثم أما بعد،
أنا الطفل اللي كان ف عنيكي متشعبط
يشوفك روحه تتلخبط
وقلبه ابن الحرام يضعف ويستعبط
كإنك زار وانا الدرويش
كإنك غار وانا الحرافيش
كإنك كنتي قرش حشيش
دخل رئتيني وملاني
كإنك دار وانا اللي ماليش
سوا الدار اللي لمّاني
بغض الجرح مين خان مين
ومين قصّر مع التاني
وغض الطرفْ عن اسمك
وطعم خروجه ف لساني
أنا مليّت من القصة ومن لعبة خلاص لسه
لقيتك غيمة ف حياتي حسبتك مطره قمت جريت
وفجأة لقيت مفيش غير ليل
سحابة ضلمة كنتي انتي
اشوفك ف الوجع بنتي
واحسك ارضي وسفينتي
وشمس بتملا ليلي شروق
مافيش كام يوم لقيتني بافوق
واشوف القاتل الفعلي
لقيتك أرض ماتضمش سوى المطاريد
وانا عيل بيفتح إيد يشوفك خط على كفه
عنيا عيال إذا بصيتي يتدّفوا
حسبتك أم بتدوّر رحى الأحضان على عيالها
لقيتك ماسكة كاتم صوت
رصاصك فات وجع جواي
وهو ياحلوة يعني الموت
بيفرق شكله كان ازاي
وهو الجرح للستات ومش لينا؟
ما فيه رجالة بتعيّط
وفيه رجالة بتفكّر ف عز الليل ف ناس باعوا
وفيه راجل إذا فات ف المحيط وجعه مابيساعه
وفيه عناوين بتتلخبط
وفيه بكره بيتشخبط
وفيه أطفال مايتولدوش ف مستقبل ماجاش قدام
وفيه زفة مابتقومشي
وفيه فرحة مابتدومشي
وفيه نغزة ف صميم الروح
ما دام ف القصة فيه دابح
أكيد ف القصة فيه مدبوح
ولو كان القتيل راجل
ف دمه بيبقي مش بالسهل
خسرتي معاه وجود الأهل
خسرتي الضهر والضمه
خسرتي الجمع واللمة
وبكره هتندمي لما
تحسي البرد من دونه
ياريتك شوفتي ف عيونه دموع الأب
أنا الشخص اللي كله ذنوب
لكن مليان حاجات تتحب
اقرأ أيضًا: قصائد احمد فؤاد نجم الممنوعة
2- قصيدة ميعاد مناسب القيامه
ف ظرف غير الظرف ده
كان ممكن اشرب كاس واهلفط بالكلام
أو أجُرّ نفسي من سكات
تلاقوني متعلّق ف يافطة اعلانات
مشنوق بوجعي من اللي فات أو م اللي جي
بس الدراما بتقترح
أنى أبقي حيّ
دوري اللي مكتوب ع الورق بالجبر
عامل نضافه ف بار – أو صوت موسيقى ف قبر
أو شخص مستعجل على وقت مابيمشيش
– كل الحشيش بيودّي على نفس الطرق –
– كل الطرق بتودّي لسجارة الحشيش –
مكتوبلي اعيش
احضر زمن مجرم
رديء وسخيف
أبص ع الاوطان ف حرب رغيف
واشوف وشوش الناس وهي اوكازيونات للحزن
أخد بشر بالحضن يتلاشوا
واشهد كلاب الليل واوباشه وهمّ ع الفمر الصناعي نجوم
اشوف بشر بتحوم
لابسين رقاب البوم وبينهشوا السهره
كان حظي امشي ف مظاهره ومنكتبش قتيل
اشوف دخول الفيل ناحية بلاد النمل
وأفضل لآخر وقت
انا سرقت ياعمنا ولا اتسرقت
الدنيا فرقت عما كنت بدأت
وبقيت راكور ف حكاية بايخه وممله
– والله –
لولا اللي باقي ف برطمان النوتيلا
ولولا بس الدنيا ماسكالي ذلّه
معلقاني بفرد ولا اتنين
انا كنت هتحول سحاب عيّان
واعطس مطر ف بلاد ماتعرفنيش
كل الحشيش بيودّي على نفس الطرق –
كل الطرق بتودّي لسجارة الحشيش.
قصائد عمرو حسن الحزينة
من المُتعارف عليه أن عمرو حسن نشأ في مدينة الأسكندرية، عام 1987، وواصل حياته التعليمية إلى أن حصل على بكالوريوس التجارة من جامعة قناة السويس عام 2010، وبدأ في سرد الأشعار المُختلفة بداية من عام 2004
على الرغم من أنه في بداية حياته لم يحظى على الاهتمام من الجمهور، إلا أنه لم يستسلم لهذا الأمر، وكان لديه طموح وإرادة للوصول إلى مكانة كبيرة بين شعراء الأدب العربي مهما كلفه الأمر، ومن أفضل قصائد عمرو حسن عن الفراق ما أطلقها بعنوان اشبعي بيهم.
اشبعي بيهم
واقعدي يومياً وسطيهم
ادخلي كافيهات واعملي حكايات املوا السينمات وابني في لحظات وافرحي بيهم
الناس اللي انتي في أحضانهم أنا م ليلتين لسه راميهم
واحكي بالنبرة المعتادة واضحكي وانتي بتوصفي شكلي
وأنا ببكي عشان ناس فارقوني
دخّلي في حياتك كل الناس اللي أنا قرّبت وخذلوني
واشبعي بانصاص ع الترابيزه
القاعدة مع التافهين ميزه
لا هتحكي عن الأحلام بكرة
ولا تمشي في سكة من التفكير
ولد عمرو حسن في أسرة بسيطة، وذلك ما جعله يواجه الكثير من الظروف الحياتية الصعبة للغاية، فكان والده يعمل في مجال الترجمة، وبعد التطور الكبير الذي حدث في هذا المجال بسبب التكنولوجيا الحديثة، انتقلت الأسرة بالكامل للعيش في الإسماعيلية، ولكنه تركها بعد فترة من الوقت وانتقل للعيش في القاهرة.
أعمال عمرو حسن
من ضمن التعرف على قصائد عمرو حسن عن الفراق، هناك الكثير من الدواوين التي نشرها الشاعر عبر المنصات الخاصة به، ولقيت إعجاب كبير من الجمهور خاصةً في الحفلات التي تقيم.
- ناصية الشاعر.
- العزلة نص الونس.
- الفراشات.
- مصر الجديدة.
- ديوان ناس كافيه.
- سيلفي.
- من هنا للشعر
جوائز هامة في مشوار عمرو حسن
مع الشهرة الكبيرة التي حصل عليها الشاعر، استطاع أن يحصد عدد كبير من الجوائز.
- جائزة ساقية الصاوي التشجيعية (كأفضل شاعر 2010) عن ديوانه (العزلة نص الونس)
- جائزة مجلة الثقافة الجديدة (أفضل شاعر 2010)
- جائزة المركزية عام 2008، أفضل شاعر ذهبية الجامعات 2009
- درع جامعة حلوان 2009
- جائزة أحمد فؤاد نجم في دورتها الثالثة عن ديوان (باندا) لعام 2016 كأفضل ديوان في شعر العامية.
- جائزة معهد جوتة الألماني.
قصائد عمرو حسن
- قصيدة الحرب العالمية الثالثة
- قصيدة اشبعي بيهم
- قصيدة الأزرق
- كلمات البنت اللى سهرانة
- قصيدة انا أبويا وحشني جدًا
- قصيدة المسرحية
- قصيدة متجيش في الصيف البونتو
- قصيدة السجن
- قصيدة جوابي ده الأخير ليكي
- قصيدة: هيبتا
- قصيدة مابتحبكش
- الجوائز التي حصل عليها
- قصيدة باندا
- قصيدة مصدقتكش
- قصيدة ميعاد مناسب القيامة
- قصيدة بحر
- قصيدة أنا مش كداب
- قصيدة تقابليني
- قصيدة بقيت عادي
عمرو حسن من أشهر شعراء جيله في تقديم الشعر العربي باللغة العامية، وذلك ما جعله يصل إلى فئات عُمرية مختلفة عبر مواقع التواصل الاجتماعي.
تابعنا على جوجل نيوز