دخلات شقط واتس اب

دخلات شقط واتس اب هتجيب من الآخر بس تكون عاملها صح وبفن كدة مش داخل تشقط لمجرد الشقط، نحن الآن في عصر التطور التكنولوجي، بمعنى أنه هناك الكثير من الطرق التي سيتمكن من خلالها من توقيع الكراش، لذا ومن خلال موقع إيزيس سوف نتناول العديد من دخلات الشقط التي تصلح لموقع التواصل الاجتماعي واتس اب وغيرها أيضًا من المواقع.

دخلات شقط واتس اب

طالما قررنا إننا داخلين نشقط عن طريق أبليكيشن الواتس اب، يبقى نفك من حوار (ممكن نتعرف) ده، فهذه العبارة لابد وأن يكون الرد عليها هو البلوك المتين الذي ليس فيها رجعلى مهما كنت وسيمًا جميلًا جذاب وكاريزما، تعالى أعرفك إزاي تدخل دخلات شقط واتس اب احترافية، تجيب من الآخر، حيث أتت على النحو التالي:

1- اعمل لنفسك برستيج

لو الكراش بنت من طبقة راقية، يبقى ميصحش أبدًا دخلات علي ربيع والإيفيهات الكتير اللي ملهاش أي تلاتين لزمة، مش معنى كدا إنها مش بتنفع، لا بتنفع أوقات كتير بس مش مع كل البنات، ففي حالة إن البنت سكر وكيوت في نفسها، هنعمل برستيج جامد في أول تعامل حتى لو شقط.

يعني ممكن تدخل تبعتلها الصورة دي حلوة أوي، انتي متصوراها فين معلش، دخلة إليجانت كدا، ولو هي ليا غرض هترد عليك بالمكان، وهنا يبقى تم نجاح الشقط، وفاضل نكمل كلام ونفتح مواضيع.

تعرفي أيضًا على: بوستات فليرت للنسخ

2- أرسل رسالة وامسحها

فترة محاولة الشقط هي فترة ممكن تكون حساسة شوية، لإن الشخص اللي داخل يشقط بنت ما، ممكن يتقبل وممكن جدًا يترفض، فبلاش تكون زنان، لأني في شريحة كبيرة من البنات، مهما كانت متقبلاك، هتتخنق من الزن ده، وبردو هيكون ساعتها مصيرك البلوك، فاحنا هنبعت مرة، ونستنى الرد، طب هي مش بتعمل سيين، هنتأكد انها شافت المسج.

هقولك ازاي، ممكن تكون لاغية خاصية إن العلامة تتحول إلى اللون الأزرق بعد ما تقرأها، في هذه الحالة سوف نقوم بالنقر على الرسالة نقرًا مطولًا، ستظهر قائمة تحتوي على خيارين أو ثلاثة، إن كانوا خيارين، تبقى شافتها، ومش حابة ترد، وإن كانوا تلاتة نبقى ظلمنا البنت ولسه مشافش، بس بردو في احتمالية إنها تكون شافت من برة.

فاحنا نعمل إيه، فيه دخلة حلوة أوي للبنات، وتعتبر من أحسن دخلات شقط واتس اب، الفتيات فضوليات الطبع، فمن الممكن أن تقوم عزيزي الشاقط بإرسال أي رسالة على أن تقوم بحذفها على الفور، ولكن ينبغي أن يكون الحذف لدى الجميع، ولازم تتأكد إنه لدى الجميع مش لديك فقط.

لأن الرسالة إن تم مسحها لديك فقط، فإنها ستصل إليها، وبالتالي لن تتمكن من مسحها، ستطرح عليك سؤال ماذا أرسلت، ولم قمت بالحذف، حينها لا تتسرع وتخبرها أنك تود التقرب إليها أو بالأحرى شقطها، لا تنسى أنه لا يزال هناك بلوك.

أخبرها أنك كنت ترغب في قول عبارة ما، ولكنك خشيت عواقبها ففضلت المسح، وإن بدأت في الإلحاح، كنت أنت اللي متلحلح وابدأ معاها الكلام.

3- قول لها إنها تافهة

اييييه يا بنتي القمر ده، ايه العمق ده، أد ايه كلامك أثر فيا، انتي عينك مليانة حزن، الجو ده فاااااكس وقدم والبنات بتشعر من ناحيته بالاشمئزاز، وبلاش كل حاجة تدخل تطبل وتثني على حسنها وجمالها كأنها من غنى لها عمرو دياب يا ملاك الحسن، الكثير من الفتيات لا يحببن ذلك على الإطلاق، أخبرها بأنها تافهة، فهي حقًا تافهة وسيروق لها الأمر.

إلا أن ظاهرها سيكون عكس ذلك، حيث ستجد أنها تبدأ في المشاحنات معك، ولربما تنهرك، وتقول لك: طالما أنني تافهة، لم تراقبني وتشاهد حالتي، حينها يجب عليك أن تقوم بتدارك الموقف، كي لا يكون مصيرك البلوك، والبنت تحب الراجل الذكي، هتتشقط بمزاجها لو لقت إنك تستاهل وليك دخلة من دخلات شقط واتس اب مميزة ش ماشي تقلد غيرك.

بلاش توضحلها إن البنات مقطعة نفسها عليك، لأنك في هذه الحالة تكون قد خسرتها للأبد، فهي لا تحب أن يكون الرجل بالفعل شقوط، ماشي يشقط في أي بنت، حتى لو انت كدا بلاش تبينلها.

تعرفي أيضًا على: كلام تلقيح على الكراش

4- صوتك حلو.. غنيلها

دخلة مميزة أوي من دخلات شقط واتس اب تكمن في حسن الصوت وعذوبته، فإن كان الله من عليك بالصوت الجميل، فإنك من الممكن أن تقوم بتسجيل ريكورد لأغنية تكون هي بتحبها، ابعته واطلع من الشات، غالبَا هتلاقيها داخلة تقولك ده صوتك؟ رد بردو بأغنية، بس بأكد عليك لازم يكون صوتك حلو بجد.

الدخلة دي حلوة وبتجيب مع البنات، حاول تخليها تحس إنها مميزة وإنك مش بتغني كدا لأي حد، بس عشان هي حلوة وتستاهل، وبلاش القلوب الحمراء في بداية التعارف، مش مكانها ده، لازم نعرف هنستخدم ايه وامتى وفين، عشان منعكش الدنيا، وبردو نلاقي البلوك خبط في وشنا.

5- اتفاعل على حالة واحدة بس

خليك كاريزما في نفسك كدا، وده ازاي؟ مش كل ما تنزل ستوري تجري قلب هنا ايموشن هنا جملة هنا، الجو ده بيزهق، وهتلاقيها عملتلك ميوت، هنتفاعل مع حالة واحدة بس من الحالات التي قامت بتنزيلها، وده يدل على إننا مراقبين ومتابعين، بس مش بنحب نبقى تقال، هتقوم بإرسال كلمة معبرة وتستنى الرد وهكذا.

6- لو رفيعة تخنتي، لو مليانة خسيتي

دخلة حلوة من دخلات شقط واتس اب، بس لو انت متأكد إن البنت هتقبل الكلام اللي من النوعية دي، عشان ممكن تلاقي واحدة تقولك وانت مالك وانت مركز خسيت ولا تخنت ليه، وتقوم مدياك اييييه؟ البلوك المتين.

طيب لو هي رفيعة، ممن نقولها وشك المرة دي باين ماشاء الله أتخن من الصورة اللي فاتت، وبقيتي قمر، وآسف لو الكلام ضايقك، والعكس لو كانت مليانة، هنقولها وشك خاسس، يارب ما يكون تعب أو إرهاق، بس إنتي كده أحلى، وايموشن الورد مننساهوش.

أهم حاجة يكون الكلام جاي من منطلق إنه على الوش، عشان البنت تتقبله، وتحس إنك مهتم بيها لشخصها، مش لغرض مش لطيف في دماغك.

تعرفي أيضًا على: فليرت مضحكة للواتساب

7- خليك قوي وأنت بتشقط

بلاش جو أنا عيان، وبصرف على معرفش مين، هي ملهاش دعوة بكل ده، قلبها هيحن لحالك، بس من ناحية تانية هتبقى حاسة إنك ضعيف أوي ومن جواها هتقول: إيه البؤس ده هو أنا ناقصة، لا حاول تخليك قوي أثناء القيام بالشقط، بمعنى أن تخرج الكلمة توحي بأنك كاريزما وواد واثق في نفسه، وعنده مشاغل الدنيا بس داخل ابعتلك لأنك شداني من يوم ما شوفتك.

الجرأة مطلوبة أحيانًا بس مش بإفراط، ولو لقيت إنها مرتبطة أو مخطوبة، فبلاش تحاول تشقطها، ترضى حد يشقط بنت إنت تعبت وشقطها قبله، يبقى ليه تشقط شقط غيرك؟ وأخيرًا متبقاش تدي علاقات الشقط أهمية كبيرة في حياتك لإنها في الغالب لا تدوم.

الواتساب من أفضل التطبيقات على الإطلاق، ومن شأنه أن يقدم إلينا العديد من الخدمات، وأهمها أنه يسر على الكثير من الشباب شقط البنات، لكن من الضروري أن يكون ملمًا بأفضل دخلات شقط واتس اب.